Үрээ даагаа танихгүй баян
Үр хүүхдээ танихгүй өнөр
Зааны ширээр хөхүүрээ хийгээд
Зандан модоор бүлүүрээ хийгээд
Замбага цэцгээр чимгээ хийгээд
Жаран алд зэлээ шаагаад
Жараахай болсон унагаа уяад
Буман ардтай бужигнаж
Түмэн ардтай түжгэнэж
Төр засаг нь
Төмөр хүрээ мэт батжиж
Төрсөн бид нар
Хаврын цэцэг мэт дэлгэрч байхын
Үүрдийн сайн ерөөлийг
Өндөр дуугаар
Өргөн дэвшүүлье.