ТЭМЭЭН СҮРЭГ

Буурал мэлзэн хоншоортой Бужгар өвдөг зогдортой Буйллаж сургадаг Бурантаглаж эдэлдэг Уран угалзан хүзүүтэй Уянгат сайхан дуутай Ширээ тэгш бөхтэй Шил дүүрэн мяндастай Шилдэг зөөлхөн ноостой Шилэн тунгалаг нүдтэй Шим сүү арвинтай Өндөр гоолиг чацтай Өргөн зузаан тавхайтай Өөртөө богинодсон сүүлтэй Өвлийн хүйтэнд тэсвэртэй Өл хоол даахдаа сайн Алтан шаргал зүстэй Алс холуур бэлчээртэй Аянд явахад итгэлтэй Ачиж явахад түшигтэй Айл хотоо нүүлгэдэг Аргал усаа татдаг Хашаа хороо Хадлан бордоо Хамаг ажлыг нугалж өгдөг Ач тусыг чинь магтаад барахгүй Арвин ашгийг чинь үнэлж барахгүй. Ширээ сайхан Шилдэг ат Шил шөргөөсөн бууран тайлаг Үй олон ингэ Үеийн олон ботго тором Эд бүгд…