ЭРИЙН САЙН ХАН ХАРАНГУЙ

Эртээ урьд Энх мөнхийн Сайн цагт Нар сая мандахад Навч сая дэлгэрэхэд Сар сая мандахад Шажин сая дэлгэрэхэд Дан далай бүслүүртэй Давхар уулан түшлэгтэй Сүн далай бүслүүртэй Сүмбэр уулан түшлэгтэй Агуу гүндэл айхын есөн Цагаан тохойгоор нутагтай Нэгэн мянган таван зуун настай Мягталуугаа хааны хүү гэж Газартай гацалданхан төрсөн Тэнгэртэй тэнцэлдэнхэн төрсөн Төрснөөсөө хойш Төр улсаа Алдалгүй дагасан Гарснаасаа хойш Газар ус хоёрыг Алдалгүй эзэлсэн Эрийн сайн Хан харанхуй хүү гэгч Нэгэн сайн эр байдаг санж Тэр хүний Суудаг өргөө болбол Маагуур зандан тулгууртай Шилэн эрдэнэ тоонотой Сувд эрдэнэ уньтай Шүрэн эрдэнэ ханатай Цасал мөнгөн туургатай Цалин мөнгөн цавагтай Шижир…