ӨНГӨНИЙ ҮХЭЛ

     Уул нь энэ өгүүллэгийг ингэж эхэлье гэж бодсон юм. Улаан хацартай байх нь эрүүлийн шинж бус хөдөөний шинж хэмээн үзэх болсон цагаас хотод Европжуу төрхтөд сайханд тооцогдох болжээ. Гэвч бичих явцад цагаан өнгө улам ноёрхсоор байсан тул улаан хацрын  тухай яриагаа өндөрлөе. Цагаан өнгө зонхилсон учраас хар бараан арьстнууд шууд доод зэрэглэлд орох болов. Арьсны өнгөөр ялгаварлах үзэл дахин сэргэж эхэлснээр бараан царайтай баахан хүмүүсийг ажлаас нь халж, албан газруудад туршлага, боловсрол мэт чухал биш зөвхөн цагаан царайны өнгө чухал болж эхэлжээ. Эцэг эхчүүд үр хүүхдүүдийнхээ нүүр царайг харлаж борлоно гээд зун гэрээс ч гаргахаа болив. Гэр орондоо ч…