Үлэмж нигүүлсэхүй сэтгэлийн үүлнээс
Үхэл үгүй номын хурыг оруулж
Орчлонгийн чилгэр халууныг сөнөөгчид
Оройгоор мөргөж бүрүүн.
Хэн тэр энэ бадар галавын дотор
Хэдий тоотон бурхан нугууд төрж
Гэм үгүй зарлиг ном нь монгол иргэнд
Хэр хүрсэн шалтгааныг хураан
өгүүлсүгэй.
Аль цагт энэ сав ертөнц байгуулаад
Ахуй их далайн дунд мянган навчит
Алтан өнгөт лянхуа дэлгэрснийг
Ариун орон дахь тэнгэр нар үзэж бүрүүн.
Сайтар дэлгэрсэн алтан лянхуан бэлэг
нь
Сааргүй энэ галавт мянган тоотон
Сайвар одсон бурхан нугууд төрөх хэмээн
Сайн галав сайн галав хэмээн зарлалджээ.
Аль тэр цагаас тэргүүлж бүрүүн
Амьтан найман түмэн наслахуйд хүртэл
Алтан хүрдэт Чаграварди хаан төрж
Амьтныг арван буянт мөрд зохиожээ.
Тэндээс амьтан найман түмэн наслахуйгаас
Тэргүүлж зуу наслахуй цагийн урьд
Төгс туулсан Гаргасунди тэргүүлэн Гангамуни
Түүнчлэн Гашиб итгэл төрж бүрүүн.
Тоо томшгүй олон амьтныг
Тонилохуй хутагт зохиож, дөтгөөрт
Туулсан багш бидний Шигэмүни
Төрвэй амьтан зуу наслахуй цагт
Хувьтан амьтныг тааллаар нь
Гурван зүйлээр хоёр хөлгөнийг номлож
Хотлыг хутагт зохиож цогцсын
Хоцролгүй нирваанд орвой өөсөө.
Өөрийн биеэр номхотгохууныг дуусгаж
Орвоос бээр тэр богд нирваанд
Үлгэлдэн мэргэд төрж түүний зарлигийг
Ургамал наранд адил гийгүүлснийг
Эртний ерөөлийн хүчээр бодисадва нар
Эрхт хүчит хаан болон төрж бүрүүн
Эзэлж өөрийн улсдаа
Эрдэнэ шашин номыг дэлгэрүүлжээ.
Удируулсан нирваан болж гурван мянган
Өвөрмөц бас зуун оны дотор
Урьд буяны хүчээр Замбуутивийн
Умард үргүл (оргил) Онон нэрт газарт
Дэлхий дахиныг нэгэн төрд оруулруун
Тэнгэр нар үр цацагдсаны урагт
Тэнсэлгүй буян билгийн хүч ихт
Тэмүжин нэрт эр богд төрж бүрүүн.
Чингир хад мэт оморхогчид (ихэрхэгчид)˗ийн
тэргүүнийг
Чимгээр (ийг) буулж энүүхэн хөлдийг
Чингээр тахиулсны хойно алдар нь
Чингис хаан хэмээн Замбуутивд цав болжээ
Богд түүний цагт бурханы номыг
Бүх монгол улсаа эс алдаршуулбаас бээр
Бурханы эрдмийг сонсоод мөн дээр
Бурсан хуврагуудыг албанаас гаргажээ.
Хутагт түүний гутгаар үед нь
Хувилгаан бөгөөд төрсний тул нэр нь
Хувилай хэмээн хотлын орой дээр өргөгдөж
Хойно сэцэн хаан хэмээн алдаршжээ.
Эрдэм билгээр чимэгдэж ертөнц дахинаа
Эгнэгчин тусыг сэтгэхүй нь Эсруа мэт
Өдийхөн бээр засдаггүй үнэн зориг нь
Эртний Арш нарын хаан мэт
Бүхийн тул богд бурханы номыг
Бүгдээс дээдийг үнэнээр ухаж
Бодисадва Пагва ламыг ирүүлж
Бүрнээ бурханы шашныг сонсгуулжээ.
Урьд үгүй тулгаржин монголын үсгийг
Урнаа сайтар зохиолгуулж багш болоод
Үнэн сайн тонилохуй мөрийг үзүүлснээр
Оройн чимэг болгон хүндэлжээ.
Оо тийн бээр бөгөөс бурханы номыг
Оор монголоор туулгаж эс болсноор
Олноо туулган ядан нөхдөө ч
Олонх уйгаржин хэлээр сонсгон ажгуу.
Түүний хойно тэргүүлэгч тэр хааны
Дэлхийн эзэн болгон эрх өгтсөн
Тэд хөвгүүний гутгаар үед нь
Тэнсэлгүй Хайсан нэрт төрж бүрүүн
Хөвгүүн цагаасаа бөгөөд урьдаст
Хөшүүрэгсдийг хүлгээрээ үлтгэж
Гүр улсын эзэн болгогдож бүрнээ
Хүлэг хаан хэмээн алдаршсан хэн бөгөөс
Үнэн удирдагч өгүүлэгчдийн наран
Учирч Чойжи˗Одсэр нэрт хэлмэрч лүгээ
Үе хоёрын арга билгийн хүчээр
Оор монголын аялгуугаар номыг дэлгэрүүлжээ.
Сайвар одсон бурханы номлосон
Сахьяагийн дээд энэ Банзрагч номыг
Сайтар хичээн сэтгэж сүсгийг үүсгээдхүү
Сацлалгүй дурдаж бичүүлсэн буянаар
Хаан хатан тэргүүтэн алтан ургаар ба
Хамаг амьтны өвчин ад тотгор нь
Хагархайяа хоцролгүй арилж аливаа
Хамаг хүссэн хүсэл бүгд бүттүгэй
Амрагаа таалал эх хөвгүүн хийгээд
Амьтан өөр зуураа эсрэг тэсрэг зохилдож
Асар ба эрэхүй хүсэл бүгд бүтэж
Амгалангийн үйлс нь өөрөө бүтэх болтугай.
Тайлбар
Үүнийг “Банзрагч” хэмээх судраас хуулан
авбай.